Posted by: mykopop | Sondag 11 Maart 2012

Outydse bekoring – The Miracles of Santo Fico

Leo Pizzola kom na jare in Amerika terug na sy tuisdorpie aan die Toskaanse kus, met een doel voor oë – om so vinnig as moontlik sy erfgrond te verkoop. Die boorde en alles is egter so vervalle dat kopers nie eintlik toustaan nie. Hy raak weer deurmekaar met sy ou vriend Guido, met die bynaam Topo (muis).

Die vrou wat hy liefhet, Marta Caproni bestuur steeds die Albergo di Santo Fico saam met haar twee dogters Carmen en Nina, maar sy weier om met Leo te praat.
Op ‘n dag verdwaal ‘n toerbus en beland oor die onbegaanbare paaie op Santo Fico. Terwyl Marta vir hulle ete voorberei in die hotel en daar naarstiglik by die bote in die hawetjie na diesel vir die bus gesoek word, hardloop Topo af strand toe om vir Leo te roep. Leo swendel ‘n klomp ponde uit die sakke van die Britse toeriste, deur vir hulle die klein katedraal te wys, met die sg. “miracle” en “mystery” van Santo Fico – met sy eie stories wat hy daarby opmaak. ‘n Bietjie van die geld word darem oorhandig aan Vader Elio, Marta se bejaarde oom wat omtrent sy lewe lank die priester van die dorpie is.

Later raak Leo meer gulsig vir geld en terwyl die dorpie ‘n krisis beleef, vang hy ‘n verskriklike ding aan. Dan raak hy in ‘n penarie as Vader Elio begin glo dat hy gestraf word vir sy sonde, deur dit wat Leo gedoen het.
In die verdere verloop van die verhaal word miskien ‘n bietjie kinderlike naiwiteit van die leser geverg, maar nie so erg dat dit hinderlik is nie. Die beskrywing van die omgewing en die karakters is so puik dat dit meer as vergoed vir enige gebreke, soos Amazon.com se beskrywing dit stel: “Published around the world, this debut novel sparkles with the Italian spirit and emotions that will dance off the page and into your heart.”

Na mens die boek gelees het, sal jy natuurlik graag die dorpie Santo Fico wil gaan opsoek. Ongelukkig is dit fiktief. Ek lees iemand anders wat ook die dorpie wou opsoek, beveel aan Civita di Bagnoregio.

Die boek het al in 2004 verskyn, ek het dit by ‘n uitverkoping raakgeloop. Miskien het die voorblad iets te doen met die feit dat ek dit gekoop het. Gister soek ek rond op Gutenberg.org, glad nie met die twee sleutelwoorde “miracle” en “Italy” nie, en kom op ‘n 1907 boek af: Italy, The Magic Land – ongelukkig nie fiksie nie.

Ek het elke oomblik van The Miracles of Santo Fico geniet.


Responses

  1. O genade, my leeslys word al hoe langer en nou MOET ek hierdie een ook kry – Santa Fico. Dankie!


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: