Posted by: mykopop | Saterdag 12 Maart 2011

Die begeleiding van duiwe – Rosa Smit

Hierdie bundel het in 2008 al verskyn, maar is nog in die handel beskikbaar.  ‘n Bietjie ekstra verwondering word verleen deurdat dit in die gedigte deurskemer dat sy ‘n beminde het wat ‘n Israeli is en dat sy heelwat tyd in Israel deurbring.  Ek sien daar is ‘n resensie, wat ek ongelukkig nie volledig te lees kon kry of kon uitvind wie dit geskryf het nie, wat na die bundel verwys as ‘n Soeke na Identiteit.  Die gedigte raak veral vyf onderwerpe aan:  die digkuns self, Israel en de Midde-Ooste, die liefde, godsdiens en die natuur.

Sy spring weg met ‘n gedig, DIS NIE ‘N GEDIG NIE, wat omtrent vier bladsye lank is en die leser reeds redelik goed aan haar voorstel.  Dit begin so:

Dis nie ‘n gedig nie
Dis my lewe

Ek loop soos ‘n oorwinnaar
Hiervoor het die onderskragende engele
my lankal vergewe
maar mans vrees my.
Hulle vertrou nie my bedekking nie.
Hulle sien rooi lipstiffie, ‘n lag te hard
wat te maklik kom.
Te gerig klieke-tie-kliek my hoë hakke.
My stem te presies
my voornemens direk
Ek loop fier en seëvierend.

Hieroor staan die engele terug
en mans verkies vroue met plat skoene:
sandale van gevlegte bruin leer
soos Jesus s’n.
ens.
Hier is nog een van my gunstelinge:

WINTER I

Hoe soet is my naam
in jou kussings
Dié beswering keer die winter af,
My asem sal ek uit jou lippe haal.

Winter, blyk dit,
wil sag maar onmiddelik
deur jou venster
in die geel platane uit duiwe koer.

Die berke en eike
gee so maklik mee,
laat val hande vol akkers
en blare vir die gryp van die wind.

Maar in jou kussings,
mooier as die Roxburgh-denne,
is daar somer
wat immer oor berke en eike droom.

Die titel van die bundel, “Die begeleiding van duiwe”, kom nie soos mens dalk sou verwag, in ‘n liefdesvers voor nie.  Die gedig waarin dit voorkom is KRUISIGING, op bl.106.
Laat ek darem ‘n stukkie aanhaal uit een gedig wat suiwer ‘n liefdesvers is:

DIE KUS

Na Rodin

en elke keer as jy my soen
gebeur dinge daar buite
mishorings veryl in smoorheuwels,
want al wat ek hier wil
is om vir jou teue asem
uit my mond te gee
ens.

Net ‘n waarskuwing, haar liefdesverse raak ook eroties!

Die skrywer het vir my ‘n baie goeie beheersing van die taal, my enigste klagte miskien te veel woorde wat mens eers moet naslaan, veral uit haar Israeliese omgewing.   In die geheel gesien egter, ‘n baie lekker boek om te hê.

Die skildery op die voorblad is deur Marcella de Boom.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: