Posted by: mykopop | Woensdag 25 Junie 2008

O my liewe Swartkop

…ek moet om verskoning vra!

Ilse Roos

Ilse Roos, foto: www.kalahari.net

‘n Ruk terug het ek ‘n inskrywing gemaak oor Laurika se nuutste CD, ‘n Lekker Verlang Liedjie. Daar trap ek toe in die een slaggat na die ander een! Kom ons begin by die begin. ‘n Paar maande gelede was ek op soek na ‘n CD van Anna Davel. Ek blaai deur die CD’s in Look & Listen en sien die Blou Kafee CD, maar dis nie die een wat ek soek nie. Nou is ek oortuig hulle het die CD by “Anna Davel” gesorteer. Nou is die saadjie by my geplant: Blou Kafee is Anna Davel s’n.

So luister ek dan Laurika se CD ‘n paar keer deur, loer in die boekie, die skrywers en komponiste is plek-plek moeilik om te lees. Maar Blou Kafee is mos maklik – dis Anna Davel. En ek email vir Laurika en laat haar weet sy moet kom kuier by my blog. En sy kom, en vra my: Wat gee jou die idee dat Anna Davel Blou Kafee geskryf het? Oeps! Chris Barnard en Christopher Torr het dit geskryf. Ek maak dit reg, ek sien ek het ook daar ‘n skakel na die CD “Blou Kafee”, maar sien nog steeds nie dat dit nie van Anna Davel is nie, want die fototjie daar (selectmdist) is bitterlik klein. Eers later kom ek agter die CD is van Ilse Roos.

Randall Wicomb sing mos:

O my liewe Swartkop

hoor jy nie my hart klop

as ek aan jou dink

dan kan ek in die aarde sink

waarom nie gesê nie

dat jy my nie wil hê nie

dan het ek mos geweet

om jou in die pad te steek

in sy liedjie Liefling, is dit jy. Die CD-omslag sê: Trad. Verw. P. Grobbelaar, R. Wicomb. Ek het seker gemaak!

Ja ou Randall, die swartkoppe kan mens maar deurmekaar maak, kyk nou hier:

Jana Strydomanndpic1

Links Jana Strydom, wat die rol van Helena in 7de Laan vertolk. Regs Anna Davel.

Jana se hare vertoon op die foto vir my nie so donker soos altyd op TV nie, maar ek sou selfs die twee maklik kon verwar! Ekskuus julle swartkoppe!

As boete doening sal ek:

  • Een of ander tyd die Blou Kafee CD van Ilse koop.
  • Een of ander tyd my Anna Davel-versameling uitbrei.
  • Vir die oomblik nog ‘n rukkie langer 7de-Laan kyk.

Responses

  1. Dit gaan verseker nie ‘n boete wees om Ilse se CD te koop nie. Ek is mal daaroor! Anna Davel is ook ‘n gunsteling!

  2. Ek’s ook mal oor Anna Davel se musiek!! Kan jou wraggies nie kwalik neem nie, Anna Davel,Ilse Roos en Jana Strydom kon net sowel sussies gewees het as mens op voorkoms moet gaan!

  3. Weet julle, ek dink alle kuns is wonderlik en ek dink ook as mens in die mood is vir iets is dit net daai spesifieke regte iets en dan wow is dit net great.
    Ek het lank terug in die koerant van Ilse Roos se CD gelees en hoe mooi dit is en haar optrede by die blou kafee, of is dit nou blou hond, jis mens raak regtig deurmekaar, maar in elkgeval, ek was nog nooit daar nie.
    Die ding met my op die oomblik is, ek is oorversadig van liedjies. Ek gaan ‘n breek vat en dan as ek weer heavy withdrawells kry, dan gan ek weer kom luiser, ek wil ook eers wegbreek na ‘n sap toe vir ‘n naweek , want eks uitgebrand en oorwerk, maar teen Augustus gaan ek tien teen een soo ‘n nuwe mens voel.
    Die woorde is pragtig, die vrou is stunningly beautiful, ek kyk the young and the restless nou vir 22 jaar en ja, ek kyk nie 7de laan nie, maar ek weet baie mense geniet dit ook.
    Ek kom net nie by al die dinge uit nie, maar ek sal graag ook vir Charlene Truter ( Van Pasella) wou hoor sing, aangesien ek ook gelees het sy sing mooi.
    Vandat ek bietjie Afrikaanse liedjies begin luister het, het my eie stem nogal verander in iets waarop ek trots is en lief voor is hm ja, so ek dink die invloede beinvloed mens so van alle kante onbewustelik of bewustelik of dalk is dit al die gesaamsingery in die kar met die cd’s.
    Ek moet nou eers baie werk doen en as ek klaar by die spa was sal ek weer hierdie video kom luister, maar ek het so baie Afrikaanse cd’s gekoop, dat ek nie gou weer nog een sal koop nie.
    Ek het ook ‘n baie interesante CD van Amazon bestel en gekry, Clare and the reasons – the movie. Ook baie eie klanke en nice, maar op die oomblik is ek net weer lus vir baie klankbane en baie rustige sagte klassieke musiek, soos smooth classics op Classic FM na sewe in die aande.

  4. Hemel onsig, hierdie kommentaar moes by Sonkind geplaas gewees het, ek dink ek het te veel vensters oop. Jammer, shoe maar die vars lug is lekke, net bietjie koud so op ‘n wintersoggend.

    Groete,
    Ansophie

  5. ekskies ek tik alweer verkeerd, ek het bedoel ek wil wegbreek na ‘n spa toe.

  6. Maar Anna Davel is my favourite. Sy en Helena Hettema, seker oor hulle die eerstes is wat ek gehoor het. Daarna het ek vir Lize beekman gehoor op Aardklop en daarna vir Laurika Rauch, toe koop ek al hulle CD’s en toe het ek vir Amnada Strydom gehoor. o ja, nee, heel eerste het ek ‘n girl genaam Edrien gehoor. Sy was die eerste afrikaanse ligte musiek snageres wat ek gehoor het. sy het my so beindruk, sy en haar begeleier of girl, dat ek toe begin belangstel het in afrikaanse liedjiesangeresse. Ekt voorheen net klassieke musiek en engelse musiek geluister, want eks ha;f engelsrig, ook half frans, en my 4 dogtertjies is amper ‘n handvol so ek kry nie baie tyd vir als nie
    Het ook nou ‘n kruie tuintjie in die agterbinnehof begin.
    Goedgaan Chris Akkedis, jy skryf baie interessant oor al die kunste.
    Groete,
    Ansophie

  7. Verskoon my tikfoute.
    My keyboard is oud.
    x

  8. Ek bedoel my rekenaar keyboard, my Yamaha keyboard is nuut. Mooi ook. Pragtig.
    Totsiens
    Have a happy day all you bloggers
    Love and best wishes
    Ansophie
    xxx

  9. Die drie kon maklik sussies gewees het!!

  10. Hulle kon sussies gewees het. Ek is absoluut mal en versot oor Anna Davel se musiek. Veral “Dra my saam”, ek kan altyd daarna luister en glad nie moeg word vir hierdie liedjie nie. Dit is my gunsteling Afrikaanse song.

  11. Shoe nee Anna Daavel daai ene oor die seilskip hm Sewe jaar! Dis die mooiste liedjie ooit ooit ooit.
    Ons vaar al vir sewe jaar op oop oseane deur storms wat dreig en maal… ons veg teen die vikings en seerowers, ag als, die hele song, dis net geniaal amazing. so nice
    en ook The sailor… you came to me …. something about a whiskey ship
    Baie nice about the pirot with the angel voice.
    Baie mooi.

  12. […] Paar weke gelede toe ek oor die mooi swartkoppe geskryf het, het ek belowe ek sal op drie maniere boete doen vir al die foute wat ek gemaak het toe […]


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: