Posted by: mykopop | Vrydag 29 Februarie 2008

POSKAARTE – Saamgestel deur Ronel Foster en Louise Viljoen

BEELDE VAN DIE AFRIKAANSE POESIë SEDERT 1960

poskaarte-voorblad

Ek het onlangs hierdie digbundel aangeskaf, met gedigte van ‘n wye verskeidenheid Afrikaanse digters. Dit dek gedigte wat verskyn het vanaf 1960 tot 1995, dus alles ‘n bietjie meer modern. Die eerste druk het in 1997 verskyn, hierdie is ‘n tweede druk van 2006.

Inleiding

VERANTWOORDING
Ek wil graag net die eerste drie sinne aanhaal, om jou ‘n idee te gee waaroor dit gaan:

Die bundel Poskaarte wil ‘n versameling beelde bied van tendensies in die Afrikaanse poësie sedert 1960. Die titel wil iets suggereer van die digterlike kommunikasieproses. ‘n Poskaart bevat ‘n oop boodskap wat dikwels vanaf ‘n onbepaalde of tydelike punt versend word sonder dat die afsender sekerheid het of die poskaart sy eindpunt gaan bereik.

TENDENSIES IN DIE AFRIKAANSE POËSIE SEDERT 1960
Die afwys van ‘n finale, afsluitende betekenis
Selfrefleksiwiteit
Die rol van die leser
Intertekstualiteit
Massakultuur
Feit en fiksie
Historiese stof
Elektroniese kultuur
Belangstelling in randgebiede
Verstegniese verskeidenheid
Speelsheid

Die inleiding beslaan net so oor die 10 bladsye en is op sigself vir my ‘n besonderse stukkie werk van die twee samestellers. Ek hou daarvan om nie net gedigte te lees nie, maar ook oor gedigte, die skeppingsproses en so aan. Ek sal hierdie inleiding nog oor en oor lees. Ek hou net nie van die woord “tendensies” wat hulle graag gebruik nie, “tendense” sou vir my beter gewees het, maar ek het nie letterkunde bestudeer nie, so ek weet nie of “tendensies” gebruiklik in die vakgebied is nie. Vir my lyk dit na ‘n taalgogga, alhoewel die HAT dit wel erken saam met “tendense”.

Die inhoud

Die gedigte is in chronologiese volgorde gerangskik. In die inhoudsopgawe is elke digter se naam vet gedruk met dan een of meer gedigte daaronder gelys. Aangesien dit chronologies is, kom party digters se name meer as een keer voor. In die inhoud self, word die digter se naam, die naam van die bundel en die jaartal onderaan die gedig gegee. Ek sou miskien verkies dat die digter se naam ook vet gedruk was voor daar met sy eerste gedig in daardie groepie begin word. As ek ‘n gedig begin lees wil ek darem graag weet wie lees ek nou hier. Dit beteken dat ek kort-kort moet omblaai om eers te kyk wie die digter is.

Dit is miskien jammer dat hulle nie toestemming kon kry om Van Wyk Louw se gedigte op te neem nie. Aan die ander kant, ek glo elke Afrikaansprekende mens behoort ‘n Versamelde Poësie van Boerneef te hê, so ek vind dit bietjie steurend om elke keer by sy gedigte te moet verbyblaai. Maar dan is die bundel miskien bedoel vir die leser wat nie ‘n hele aantal bundels in die huis het nie, dus is dit tog jammer oor Van Wyk Louw.

Registers agter in die boek

REGISTER VAN GEDIGTITELS
REGISTER VAN EERSTE REËLS
REGISTER VAN DIGTERSNAME

Alternatiewe

As jy ‘n groot bundel soek met ‘n verskeidenheid Afrikaanse gedigte, is hierdie een miskien tans die goedkoopste opsie, as ek reg onthou, het ek so R185 vir hom betaal. Die ander waarvan ek weet is:

Gerrit Komrij: Die Afrikaanse Poësie in ‘n 1000 en enkele gedigte – Ek het hom al so 2 jaar of meer en het hom deurgelees.
Andre P. Brink – Groot Verseboek 2000 – ‘n Lekker groot stewige hardebandboek wat ek nog graag op my rak wil kry.

poskaarte-agterblad


Responses

  1. Dankie dat jy ons hiervan vertel ek gaan Poskaarte beslis aanskaf. Ek hou ook van meer inligting as nie die verhaal/gedig.

  2. Was verlede week in die oulikste boekwinkel in die Kaap. Het so aan jou gedink, gewonder met watter digbundel jy sou uitloop. Het spesiaal ‘n foto geneem, sal dit plaas sodra ek my “USB Connector” weer aan die werk het.

  3. Dankie dat jy altyd die inskrywings doen, ek het nooit voorheen by digbundels gestop nie.

    Dis nou vir my lekker. Kos vir my siel…

  4. Klink baie goed! Wens hier was ‘n CNA in London! Maak bietjie voorstelle daar vir so ‘n takkie hier iewers!

  5. Dankie Kop – nog een wat ek nou sal aanskaf vir my versameling. Andre P Brink se Groot Verseboek is ook deur en deur die moeite werd, hoor! (Die Liefie skel al en sê ek het aandele in Exclusive Books!😆 )

  6. Sonkind, ek het ook aandele in boekwinkels, almal wat my ken weet ek soen net een ding vir my verjaardag: koepons vir boeke…oe dit is lekker!!!

  7. Hallo Sonkind en RF, ek kom nou net van daai winkel af, nie met leë hande nie. RF, ek soek darem boeke en CD’s, maar soen enigeen wat vir my ‘n boek gee😆 – ‘n boek is vir my ‘n meer spesiale geskenk as ‘n CD.

  8. Mykop, my partner versamel die DVD’s en CD’s en ek die boeke.
    En saam snuffel ons vir oudhede en ceramics.
    Maar met ‘n boek kan jy my onder ‘n wip vang, sommer maklik.

  9. Ek en die meisiekind het nou die dag “Poskaarte” aangeskaf vir haar klasse – hulle moes toe die gedig “Sappho – papirus fragmente” voltooi/inkleur/bydig – ek weet nou nie op waffer bladsy dit is nie, maar dit het onder meer nogal daartoe bygedra dat ek groter respek en waardering vir die digkuns gekry het. Sy het die nodige navorsing gedoen betreffenede Sappho – (en met die hulp van mamma😉 ons wag nog vir die punte…
    Ek is so ‘in awe’ vir mense wat waarlik kan dig – ek is at best maar net ‘n rymelaar – hou van ritme en die toepassing van die ‘ou meesters’ se reëls.

  10. Ooh, cool. Ek het twee kopieë – een moes ek koop as handboek in my eerstejaar en die tweede een het ek geskenk gekry by die Digby werkswinkel. Louise Viljoen is my promotor🙂 (Sy’s geniaal…)

  11. Ek het Poskaarte op skool aangeskaf as ek reg onthou.

    Vreeslike heerlikhede tussen die bladsye weggesteek, maar ook maar goor gedigte. Ek dink nie dat alle gedigte in die goeie bundels, die ‘wow’ faktor het nie.

    Daarom lief ek my Ingrid Jonker en Antjie Krog (eerste gedigte) so baie – weinig woorde daarin waar die ‘wow’ faktor ontbeek!

    Ek ondersteun plaaslike boekwinkels – selfs al is daar ‘n R20 prysverskil tussen hulle en Exclusive of Wordsworth. Suiwer omdat hulle moeite maak om Afrikaans aan te hou, en te bevorder.

    By die franchise winkels, kyk die mense agter die toonbank jou soms skeef aan, sou jy vra vir ‘n boek in jou Taal, IN JOU TAAL!

  12. […] op bl. 12 van Dogter van Jefta raakgeloop. ‘n Dag of twee later en ek verder in die bundel Poskaarte gelees en weer in die gedig vasgelees. Maar toe het ek alreeds besluit om die gedig te probeer […]

  13. Dit is interessant. Eks bly dis genotvol. Ek besit nie meer so baie digbundels nie. Sal graag eendag by Protea Boekehuis ‘n draai wil gaan maak eendag en ‘n paar anskaf. Ek hou darem die Verseboek byderhand en geniet Audrey Blignault se bundel saamgestelde verse: Die Goue Vreugde, ook baie.
    Ekt net 4 digbundels in 2 jaar gekoop:
    Die Burg Van Hertog Bloubaard deur Henning Pieterse,
    Landelik deur Martjie Bosman,
    Ametis deur Mari Pete en
    roset deur Christine Barkhuizen Le Roux.
    Hm, ja eks nogal lief vir versamelings bundels dan kry mens ‘n hele oorsigtelike beeld.
    En eks ook lief vir die Kinderbybel ek weet nou nie watter een nie
    Oukei ek dink ek dwaal af.
    Groete,
    Lekker aand
    lekker lees
    en wel te ruste

    Annie Dwaal.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: