Posted by: mykopop | Saterdag 19 Januarie 2008

SKAAK! – Cor Nortjé en Martin Serfontein

VoorNikita (Chessaleeinlondon) het gisteraand berig dat Bobby Fisher, voormalige skaak-grootmeester en wêreld-skaakkampioen gister op die ouderdom van 64 (ook die aantal blokkies op ‘n skaakbord), te sterwe gekom het. Haar daaropvolgende skrywe is ‘n gedig wat sy oor hom geskryf het.

Sy noem reg aan die begin dat hierdie haar eerste skaakboek was. Dit was ook die eerste boek wat my aan die spel bekend gestel het – dieselfde geld seker vir menige Afrikaanssprekende. Bobby Fisher verskyn op die voorblad van die boek.

Die boek het die eerste keer in 1972 verkyn. Ek het op skool gereeld ‘n vroeë uitgawe van die boek uit die skoolbiblioteek geneem. ‘n Paar jaar na skool het ek die een gekoop wat ek nou gelukkig is om te besit, die vierde uitgawe, tweede druk (1980).

Die voorwoord sê heelwat oor Fisher en ek haal graag ‘n paar stukkies daaruit aan:

Die jaar 1972 sal seker in die driehonderd jaar oue geskiedenis van skaak bekend staan as die jaar van die grootste internasionale herlewing van die spel.

Die Amerikaner Bobby Fisher is grotendeels hiervoor verantwoordelik. Sy dinamiese persoonlikheid en veeleisende temperament het die verbeelding van miljoene oor die hele wêreld aangegryp.

Die naam van die seun uit Brooklyn wat die kultuurwêreld die rug toegekeer het deur op sestienjarige leeftyd die skool te verlaat, net om die hoogste sport te bereik in die spel wat een van die suiwerste dinge is wat die kultuur van die mens oor al die eeue heen nog opgelewer het, was op almal se lippe. Sy kanse om die titel te buit van die sjarmante, belese en verfynde Rus Boris Spasski te klop, is bespreek deur mense wat nog nooit van die verbasende prestasies van die twee spelers gehoor het nie…

In 1972 het hy teenoor die wêreldkampioen gaan aansit as die gunsteling om die wedstryd te wen. Genie teenoor gentleman, het die oorsese pers hulle karakteriseer.

Een ding wat vir my van belang is in hierdie boek, is die Afrikaanse terminologie wat hierin gevestig is:

Afrikaans Engels
Koning King
Dame Queen
Loper Bishop
Toring Rook
Ruiter Knight
Pion Pawn
Skaak! Check!
Skaakmat Check mate
Pat Stalemate
En passant ‘n Franse term wat in alle tale gebruik word

Hierdie boek is vir my een van daardie kleinnode wat mens maar net nooit sal laat gaan nie! Dis uitgegee deur Perskor-Uitgewery. Ek dink dit sou heel gepas wees om die boek nou te herdruk.

Agter


Responses

  1. […] Original post by mykopop […]

  2. […] Image of Chess book…”Skaak!” HERE on “My Kop”’s blog…. Robert James “Bobby” Fischer (born Ma… […]

  3. Hi Kop! Jy laat my darem verlang na daardie blou boekie! Ek was nou die dag op ‘n SA website wat die boek geadverteer het, maar hulle het hom nie meer nie, is toe intussen verkoop. Myne is natuurlik so diep weggepak daar in SA! Sou wat wou gee om weer net my hande op hom te kon le!😉 ‘n Baie goeie boek deur Nortjie/Serfontein. Martin Serfontein het ook ‘n BAIE goeie boek uitgebring vir klein kindertjies…baie mooi kleurvolle prentjies…ook weggepak “daar onder”…

  4. Dalk is ek gelukkig om hierdie web 2 jaar later te ontdek1 Ek sal bitter graag hierdie boek weer onder oe wil he. Myne jare gelede uitgeleen.

    Kan iemand help?


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: