Posted by: mykopop | Dinsdag 20 November 2007

Skryf Afrikaans van A tot Z – Dalene Müller

Skryf Afrikaans VoorbladEk was onlangs so gelukkig om die boek by Leserskring vir omtrent halfprys te kon koop. As jy ‘n tweede boek in ‘n kwartaal bestel, is daar sekere boeke wat jy teen laer pryse kan koop, afhangend van hoe lank jy al lid is, wat in ons geval so kort duskant lewenslank is. (Dis darem nou van hoe lank Leserskring al lewe!) Die regte prys is R225 (R180 by Kalahari.net) wat nogal bietjie styf klink, maar jy moet onthou dis ‘n naslaanwerk wat daar langs jou HAT, jou Tweetalige Woordeboek en Spreekwoorde gaan staan. So ‘n boek vat ook meer tyd en moeite om te skryf as ‘n roman, en boonop dink ek dit verkoop in laer volumes.

Hier is ‘n kort beskrywing van die boek. Daar is ook nie veel wat ek oor die boek kan sê nie – die maklikste is miskien om met die inhoudsopgawe te begin:

DEEL I
A tot Z oor taalkwessies, 11

DEEL II
1. Aarde en heelal, 251
2. Adresse, 259
3. Afbreek van woorde, 263
4. Afkortings en simbole, 268
5. Dae, datums en jaartalle, 307
6. Geslag, 318
7. Hoofletters en kleinletters, 321
8. Lande, streke en plekke, 353
9. Lees- en skryftekens, 409
10. Persoonseiename,447
11. Proefleestekens,465
12. Reg en orde, 473
13. Regerings, departemente, groepe en organisasies, 491
14. Sakewêreld, 514
15. Sport,521
16. Die rol van die sub hy ‘n koerant, 541
17. Subs en syfers, 568
18. Syfers en getalle, 578
19. Titels en range, 605
20. Transliterasie van huitelandse eiename, 616
21. Vervoermiddels, 622
22. Verwysings in skryfwerk, 627
23. Woorde van vreemde herkoms, 650
24. Woordorde, 663
25. Woordsoorte, 669
26. Wyn, 702 .
Geraadpleegde hronne, 704
Register, 705

Die Voorwoord begin as volg:

Skryf Afrikaans van die Afrikaanse koerante en tydskrifte in die Media24-
groep van Naspers het oor ‘n lang tyd ontstaan.
Kort nadat ek einde 1992 as senior subredakteur by Die Burger in Kaap-
stad begin werk het ná jare in die uitgewerswese, het ek op die veteraan-
joernalis en taalkenner wyle J .J .J .Scholtz se daaglikse “foutelyste” afgekom
en dit begin bestudeer om op die hoogte te kom van Die Burger se styl en taal-
gebruik in beriggewing. Uit die taalversorging en die nasien van tot honderd
koerantstories per aand in die nagkantoor het dit oor die jare geblyk dat ver-
slaggewers, vertalers en subredakteurs feitlik deur die bank in dieselfde
taalslaggate trap. Voorbeelde van taalkundige probleemgevalle is versameI
en die lys het vinnig gegroei

ens.
skryf-afr-alfa.jpg

Deel I is amper soos ‘n woordeboek wat ‘n alfabetiese lys van trefwoorde is, dikwels word twee woorde wat met mekaar verwar word met ‘n x tussen-in gelys. Dit beslaan sowat 230 van die 700-plus bladsye van die boek. Hierlangsaan is ‘n voorbeeld hoe dit lyk. Ek stem nog steeds met Alleman saam oor Klik en Kliek – mens kliek. Dit wys miskien een probleem uit met ‘n boek soos hierdie – die taalkundiges kan reëls maak soos hulle wil – op die ou end is dit ons, die taalsprekers, wat die laaste woord spreek.

Ek dink iemand wat werklik in die taal belangstel kan die 26 hoofstukke in Deel II van hoek tot kant deurlees, terwyl iemand wat in Afrikaans skryf vir ‘n lewe dit behoort te doen.

Ek het nog nie alles deurgelees nie, dus as alles in hierdie stuk van my nie volgens die boek se riglyne is nie, gee kans! Ek het twee gunsteling-hoofstukke, nl. hoofstuk 16, “Die rol van die sub by ‘n koerant” (en 17 wat daarmee saamgaan). Dis miskien a.g.v. die romantisering van die Nagkantoor deur die Koos du Plessis-musical met dieselfde naam. Die ander een is hoofstuk 26, Wyn.

Die register aan die einde van die boek is ook ‘n handige verwysing as jy iets soek en dit nie in Deel I kan opspoor nie.

Ek dink die van ons wat op die internet skryf net uit die liefde vir Afrikaans en vir skryf, hetsy op ‘n blog of waar ookal, kan baat vind by hierdie boek.

Om die agterkant van die boek hieronder beter te kan lees, hou hou muis daaroor en druk die linkerkantste knoppie.
skryf-afr-agter.jpg


Responses

  1. Ek het lank saam met Dalene gewerk, sy weet meer oor taal as enigiemand wat ek ooit geken het. En sy weet al daai tegniese goed wat literêre reuse nooit sou kon raai nie. ‘n Baie nice vrou ook boonop.

  2. Hierdie boek is ook op my wens lysie.

  3. Skryf Afrikaans A-Z is ‘n excellent boek, Jaco het ook ene.

  4. ‘n Fantastiese boek, geskryf deur ‘n wonderlike, warm vrou. Dalene, skrywer van die boek, is ontydig op die ouderdom van 60 die afgelope naweek, oorlede.

    Dankie vir jou nalatenskap aan die Afrikaanse taal Dalene, en vir die wonderlike mens wat jy was.

  5. […] het sowat ‘n maand gelede ‘n inskrywing gemaak oor die boek Skryf Afrikaans, omdat ek gedink het dit is uitstekend. Ek was glad nie bewus van die skryfster van die boek, […]

  6. Dalene

    Baie dankie vir ‘n wonderlike boek! As predikant geniet ek dit baie en het werklik waardering daarvoor.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: